Meqë sot ka filluar viti i ri akademik 2021-2022, Minstrja e Arsimit Shkencës dhe Teknologjisë, Arbërie Nagavci ka uruar nxënësit për fillimin e vitit të ri shkollor.

Tutje Nagavci ka shkruar:

“Të dashur nxënës, mësues, prindër, urime fillimi i vitit shkollor!
Në këtë fillim viti shkollor kur akoma po përballemi me pandeminë, angazhimi ynë për të bërë më të mirën, për një vit sa më të mbarë e të suksesshëm, është i vazhdueshëm.
Sfidat e brengat do t’i tejkalojmë bashkë, me vullnetin, kuriozitetin e energjinë për mësimnxënie e mësimdhënie.”

Ministrja gjithashtu ka thënë se as këtë vit nuk do të jetë e lehtë, pasi që ende përballemi me pandeminë Covid-19 dhe me masat e ndërmarra, por gjithsesi do të jetë një betejë në vete për mësim nxënie.

“Nuk do të jetë e lehtë as këtë vit, puna në shkolla. Krahas masave që kemi ndërmarrë, krahas kujdesit për sigurinë e shëndetin, nuk duhet lënë anash as betejat për rezultate në të nxënë, në arsimim e edukim.
Me kujdes të shtuar, respektim të masave, bashkëpunim e përkushtim, për rezultate sa më të mira!” ka shkruar ajo në profilin e saj në rrjetin social në Facebook, shkruan /arbresh.info/